قاۋىپسىزدىك پەن ىنتىماقتاستىققا ەسىك ارقاشان اشىق

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) استاناداعى باعدارلاماسى ءوفيسىنىڭ جەتەكشىسى ن.زارۋدنامەن كەزدەستى. مەملەكەتتىك حاتشى قازاقستان مەن ەقىۇ اراسىنداعى ىنتى­ماق­تاستىق جوعارى دەڭگەيدە ەكەنىن, وعان ەلىمىزدىڭ 2010 جىلى اتالعان ۇيىمعا توراعالىق ەتۋى دالەل بولاتىنىن اتاپ ءوتتى. الدىمىزداعى جىلداردا قا­زاقستاننىڭ ەقىۇ-مەن ارا­داعى ىنتىماقتاستىق باعىت­تارىنىڭ ءبىرى «قاۋىپسىزدىك قوعام­داستىعى جولىندا» دەپ اتالاتىن استانا دەكلاراتسياسىندا بەل­گىلەنگەن ەۋرواتلانتيكالىق جانە ەۋرازيالىق قاۋىپسىزدىك قوعام­داستىعىن قۇرۋ جونىندەگى ستراتەگيالىق ماقساتقا قول جەتكىزۋ بولىپ تابىلادى. سونىمەن قاتار, تاراپتار الەۋمەتتىك-گۋمانيتارلىق دامۋ­دىڭ, سوت ۇستەمدىگىن جانە ادام قۇ­قىعىن قامتاماسىز ەتۋدىڭ, ەتنوسارالىق قارىم-قاتىناستى ۇندەستىرۋدىڭ, گەندەرلىك تەڭدىكتى قامتاماسىز ەتۋدىڭ بىرقاتار ماسەلەلەرى بويىنشا ءوزارا ءىس-قيمىلدىڭ جاي-كۇيى مەن كەلەشەگىن تالقىلادى. گ.ابدىقالىقوۆا استاناداعى ەقىۇ باعدارلاماسىنىڭ ءوفيسى ءوز جۇمىسىندا قازاقستاننىڭ مۇددەلەرى ەسكەرىلگەن ىنتى­ماق­تاستىقتىڭ باسىم سالالارىنا نازار اۋدارۋىنىڭ ماڭىزدىلىعىنا توقتالدى. سونىمەن قاتار, ول ەقىۇ تۇراقتى كەڭەسىنىڭ 2014 جىل­دىڭ 18 جەلتوقسانىندا ۆەنا قالاسىندا بولعان وتىرىسىندا 2015 جىلدىڭ 1 قاڭتارىنان باس­تاپ استاناداعى ەقىۇ ورتا­لىعىن ەندىگى جەردە ەقىۇ باعدار­لاماسىنىڭ ءوفيسى دەپ اتاپ, قايتا قۇرىلعاندىعىنا بايلانىستى ونىڭ جۇمىس بەلسەندىلىگىنىڭ ارتاتىنىنا نازار اۋداردى. كەزدەسۋ بارىسىندا ەقىۇ باع­دارلاماسىنىڭ ءوفيسى ءوزىنىڭ مان­داتىنا سايكەس قازاقستاندا ورتالىق جانە جەرگىلىكتى مەملەكەتتىك ورگاندارمەن جانە ۆەدومستۆولارمەن ءوزارا ءىس-قيمىلدى قاۋىپسىزدىكتىڭ ءۇش ولشەمىندە ء(اس­كەري-ساياسي, ەكونوميكالىق-ەكو­لوگيالىق, گۋ­مانيتارلىق) ءجۇ­زەگە اسىراتىنى ايتىلدى. كەزدەسۋدەن شىققان سوڭ ن.زا­رۋدنا حانىم جۋرناليستەرگە شاعىن سۇحبات بەرىپ, ءوزىنىڭ كەلىسسوزدەر قورىتىندىسىنا كوڭىلى تولعانىن جەتكىزدى. ءبىزدىڭ كەزدەسۋىمىز قازاقستاننىڭ تالقىلانعان ماسەلەلەردەگى رەيتينگىن وسىرە تۇسەتىنىنەن ءۇمىتتىمىن. سونداي-اق, ايەلدەردىڭ شاعىن بيزنەسكە قاتىسۋ بەلسەندىلىگىن ارتتىرۋ ماسەلەسى, ادام ساۋداسى جونىندە دە پىكىر الىسىلدى, دەدى ول. كەزدەسۋگە قازاقستان جاعىنان ءماجىلىس دەپۋتاتتارى ە.تاراسەنكو مەن ن.ءابدىروۆ قاتىستى. جاقسىباي سامرات, «ەگەمەن قازاقستان». سۋرەتتى تۇسىرگەن ەرلان وماروۆ, «ەگەمەن قازاقستان».